I sheh këto gjuhë këtu? Ne përkthejmë artikujt e Global Voices për ta bërë gazetarinë qytetare botërore të mundshme për këdo.

Nga 20,000 raste të COVID-19 në Ballkan, më shumë se një e treta gjenden në Serbi

Man wearing a mask in Skopje, North Macedonia. Photo by Meta.mk News Agency, used with permission.

Një person me maskë në Shkup, Maqedoni e Veriut. Foto nga Agjencia e lajmeve Meta.mk , e përdorur me leje.

Kjo histori bazohet në një raportim nga një partner i Global Voices, Agjencia e lajmeve Meta.mk, një projekt i fondacionit Metamorfoza. 

Shikoni mbulimin e veçantë të Global Voices rreth ndikimit global të Covid-19.

Dy muaj që kur rasti i parë i Covid-19 u regjistrua në Kroaci (si vendi i parë në Ballkan që ka konfirmuar zyrtarisht praninë e virusit), tani ka pothuajse 20,000 banorë në 10 vende të Ballkanit që janë infektuar nga virusi.

Video-ja e mëposhtme vizualizon numrin e rasteve të raportuara zyrtarisht në Ballkan nga 24 shkurti në 24 prill 2020.

Ajo që është më tronditëse në lidhje me statistikat zyrtare të botuara nga Organizata Botërore e Shëndetësisë, Universiteti Xhon Hopkins dhe Worldometer është se më shumë se një e treta e rasteve të konfirmuara janë në Serbi, një vend ballkanik ku pandemia e re është injoruar nga qeveria dhe madje është marrë si shaka.

Qytetarë serbë në rrjetet sociale kritikuan qeverinë e tyre, veçanërisht Partinë Progresive serbe (SNS), sepse kishte organizuar tubime të mëdha në publik vetëm disa ditë para se të deklarohej gjendja e emergjencës në 15 mars. Ngjarjet ishin pjesë e përgatitjes për zgjedhjet parlamentare, të planifikuara fillimisht më 26 prill, por ato u shtynë për shkak të pandemisë së Koronavirusit.

Radhët e mbushura me dhjetra mijëra përkrahës të SNS-së u rreshtuan në rrugë afër njëri-tjetrit për të deklaruar besnikërinë e tyre ndaj udhëheqësit të partisë Aleksandar Vuçiq si pjesë e një fushate populiste, që ka për qëllim shfaqjen e mbështetjes së njerëzve për kandidatët e listës së tij.

Mos e harroni kurrë! Mars 2020!. #Covid19 #Serbia #Srbija

Mali i Zi ka numrin më të vogël të rasteve me Covid-19 me vetëm 319.

Greqia dhe Kroacia kanë më shumë se 2,000 raste dhe Bosnja, Bullgaria, Maqedonia e Veriut dhe Sllovenia, të gjitha kanë më shumë se 1,000 raste të konfirmuara të Covid-19 që kur filloi përhapja e virusit.

Kosova dhe Shqipëria kanë identifikuar rreth 650 raste secila.

Komento

Autorë, ju lutem hyr »

Rregullat

  • Të gjitha komentet lexohen nga moderatori. Mos dërgo të njëjtin koment më shumë se një herë pasi mund të konsiderohet spam.
  • Respekto të tjerët. Komentet me gjuhë urrejtjeje, të pahijshme dhe sulme personale nuk do të miratohen.