Foto nga publicdomainpictures.net

Një projektligj i hartuar për edukimin patriotik iu dorëzua komitetit të përhershëm të Kongresit Popullor të Kinës për shqyrtimin e parë më 26 qershor 2023.

Projektliigji kërkon nga të gjitha institucionet, qeveritë, shkollat në të gjitha nivelet, degët e Partisë Komuniste Kineze (PKK), organet e mediave, ofruesit e shërbimeve të internetit, ndërmarrjet, institucionet publike dhe organizatat, duke përfshirë grupet e punëtorëve dhe grave, grupet profesionale, etj., të vendosin edukimin patriotik në përshkrimet e tyre të punës.

Gjatë gjithë historisë së PKK, glorifikimi i udhëheqësve shpirtërorë të Partisë, nga Mao Ce Duni dhe Deng Xiaoping tek Xi Jinping dhe aktet rituale që lidhen me simbolet kombëtare (flamuri dhe himni) vendosen në thelbin e edukimit patriotik. Tema të tjera janë peizazhet e Kinës, njohja e unitetit etnik, siguria kombëtare dhe veprat e heronjve dhe martirëve në historinë e Kinës.

Projektligji parashikon sanksione për aktet që fyejnë simbolet kombëtare, shpifjet për heronjtë dhe martirët, mohimin e pushtimeve dhe masakrat e huaja dhe pushtimin ose shkatërrimin e objekteve të edukimit patriotik.

Ai synon të rrisë patriotizmin për të gjithë kinezët brenda dhe jashtë vendit, veçanërisht qytetarët nga Hong Kongu, Makao dhe Tajvani.

Në përgjigje të projektligjit, shefi ekzekutiv i Hong Kongut, John Lee, deklaroi se ligji kombëtar i propozuar “lehtëson ndërtimin e një vlere të zakonshme që e sheh dashurinë ndaj Kinës dhe Hong Kongut si thelbin e saj” dhe se pavarësisht nëse ligji i propozuar është i zbatueshëm për Hong Kongun, qeveria do të përmbushte kërkesat.

Nuk mungojnë polemikat sa i përket projektligjit. Një koment nga Yan Xuetong, dekan i Institutit të Marrëdhënieve Ndërkombëtare në Universitetin Tsinghua, theksoi se patriotizmi, si marrëdhëniet e tjera të dashurisë, duhet të vijë natyrshëm dhe nuk mund të indoktrinohet. Pikëpamja e tij u kritikua gjerësisht si “demonizuese” e edukimit patriotik dhe disa cituan edukimin patriotik brenda SHBA për të justifikuar projektligjin e ri. Por blogerë të tjerë kinezë si Chris Cai theksuan se akti i djegies së flamurit kombëtar të SHBA-së mbrohet sipas Amendamentit të Parë, siç tregohet në çështjen gjyqësore Shtetet e Bashkuara kundër Eichman (1990), duke vërtetuar dallimet kryesore në nacionalizmin në SHBA dhe Kinë. Gjykata amerikane vendosi gjithashtu se premtimi për besnikëri ndaj flamurit kombëtar nuk mund të jetë i detyrueshëm në shkolla (çështja Bordi i Arsimit i Shtetit të Virxhinias Perëndimore kundër Barnette).

Edhe pse shumë komente kritike janë hequr ose fshehur nga publiku në Weibo, në mesin e mbështetësve të projektligjit, disa nga komentet shkojnë aq larg sa duken si parodi. Për shembull, në postimet e agjencisë shtetërore të Xinhua në Weibo, sugjerimet për zbatimin e masave janë në rritje:

出个公共场所行为规范吧，上升到刑法那种。

Prezantoni një udhëzues të normave të sjelljes publike dhe kriminalizoni aktet që devijojnë nga norma.

建议替代了英语放在中考和高考里

Edukimi patriotik le të zëvendësojë lëndën angleze në provimet publike.

打击高级黑低级红，假冒的爱国者

Shtypni satirën duke përdorur gjuhë politikisht korrekte, interpretime të tepërta të idesë së PKK-së dhe patriotë të rremë.

China Digital Times përktheu gjithashtu disa komente dhe shaka mbi projektligjin në platformën kineze Zhihu, që është e ngjashme me Quora-n:

“你是怎么进来的”

“有人问我:你爱国吗？”

“所以你是因为不爱国进来的”

“不是，我回答:祖国怎么爱我，我就怎么爱国”

“所以就这么进来了”

“Si përfundove në burg?” “Dikush më pyeti: “A e doni vendin tuaj?” “Pra, ata ju futën në burg sepse nuk ishit mjaftueshëm patriotë?” “Jo. Unë u përgjigja: “Unë e dua vendin tim po aq sa më do mua”. “Oh, prandaj je në burg.”

别逗了，自己孩子千方百计要么直接跑去国外生落地就是外国籍，要么小学毕业就送到国外初中高中大学甚至就业一条龙，有什么资格给国人普法要爱国的？？？天大的笑话唷

Po bën shaka me mua. Këta njerëz kanë projektuar rrugën që fëmijët e tyre të marrin nënshtetësi të huaj, ose duke u siguruar që ata kanë lindur jashtë vendit ose duke i çuar jashtë shtetit për çdo hap: shkollë të mesme, kolegj dhe përfundimisht një punë jashtë shtetit. Si mund të kualifikohen ata për të edukuar kinezët se si të jenë patriotë? Është një shaka kolosale.

建议用测谎方法进行爱国主义测试，将不爱国的人进行电击治疗，直到爱国为止。

Unë propozoj që poligrafët të përdoren për të testuar patriotizmin e njerëzve. Ata që nuk janë mjaftueshëm patriotë do t'u jepet terapi elektroshoku derisa të jenë patriotë.