Stories from Roundups from October, 2015
Kushtet për jetesë në konviktet e Maqedonisë përkeqësohen
Plenumi studentor, lëvizja e gjithë studentëve e cila lufton për të drejtat e studentëve në Maqedoni, publikoi fotografi të reja ku janë të dukshme kushtet e këqija për jetesë në konviktet studentore shtetërore të cilat gjenden në kyeqytetin e Maqedonisë. Lëvizja ka qenë vazhdimisht duke ndjekur situatën në konviktet studentore shtetërore dhe i ka bërë thirrje disa herë shtetit për të përmirësuar higjienën dhe kushtet e sigurisë të objekteve në konviktet ku jetojnë studentët. Plenumi studentor kohëve të fundit ka informuar publikun se kushtet e jetesës dhe siguria strukturore e objektit në të paktën një prej konvikteve të mëdha studentore në Shkup është përkeqësuar edhe më shumë dhe rikujtoi se qeveria premtoi rindërtimin e plotë të konvikteve më shumë se një vit më parë, pasi u turpërua në mediat ndërkombëtare.
 |
 |
Në tekstin shoqërues, Plenumi Studentor indirekt adreson institucionin e ri të prokurorit special publik, i cili supozohet të trajton rastet e korrupsionit të cilat raste prokurori i rregullt publik në Maqedoni në mënyrë aktive i injoron.
Домовите се распаѓаат исто како и системот во државата, но ние сè уште немаме добиено нов специјален студентски дом за да се спасат студентите живи од бедата во која живеат и која се руши околу нив.
Ова е блокот В во студентскиот дом “Гоце Делчев”, во кој пред некој ден како што може да се види на сликите се срушил дел од кровот во еден од ходниците.
Овојпат немало повредени. Дали и наредниот пат нашите колеги ќе бидат еднакво среќни или пак до тогаш ќе добијат нов (специјален) студентски дом?
Konviktet shkatërrohen ashtu si sistemi në këtë shtet, por ne ende nuk kemi fituar një konvikt studentor special për tu shpëtuar jeta e studentëve nga mjerimi në të cilën jetojnë dhe e cila po shembet rreth tyre.
Ky është blloku V në konviktin studentor “Goce Delçev”, në të cilin para disa ditësh siç mund të shihni në fotografitë u shemb një pjesë e tavanit në njërin prej korridoreve.
Këtë herë nuk ka pasur të lënduar. Herën tjetër a do të jenë përsëri me fat kolegët tanë apo do të fitojnë një konvikt të ri studentor (special)?
Aktivisti maqedonas i jep fund grevës së urisë për të drejtat e emigrantëve
Të shtunën, 20 qershor eksperti i të drejtave të njeriut dhe aktivisti Suad Missini përfundoi grevën e urisë të cilën ai e filloi para gjashtë ditëve si protestë mbi trajtimin çnjerëzor të emigrantëve të cilët kalojnë nëpër Maqedoni. Z. Missini dha deklaratën në vijim [linqet janë të shtuara]:
Në pritje të efekteve nga ndryshimi i ligjit për azil dhe aplikimit të tij në praksë, gjendja me qendrën Gazi Babë, edhe sot më 20 qershor, ende nuk është e përmirësuar. Refugjatët janë ende të mbajtur në qendren e cila fiton karakteristikat e një kampi përqëndrimi, me kushte të këqija, çnjerzore dhe degradimi, jashtë kornizës ligjore dhe jashtë standardeve ndërkombëtare për të drejtat e njeriut të cilat janë pjesë e sistemit ligjor kombëtar.
Autoritetet në Republikën e Maqedonisë zgjodhën të mbeten të shurdhër ndaj kërkesave të shumta të organizatave dhe institucioneve ndërkombëtare për zgjidhjen e këtij problemi. Ata ngelin të verbër edhe ndaj faktit se komiteti i OKB-së Kundër Torturës në raportin e tyre më të fundit për Maqedoninë, trajtimin e refugjatëve në këtë qendër e karakterizuan si torturë dhe shkelje të konventës së OKB-së kundër torturës – dhe e gjithë kjo përderisa shteti jonë është anëtare e Këshillit të OKB-së për të drejtat e njeriut.
Nga ana tjetër, unë do të doja të theksoja se Maqedonia, si anëtare e Këshillit të Europës (CoE), ka pasur një vizitë nga Komiteti për parandalimin e torturës, i cili përfshinte një vizitë në qendrën e Gazi Babës. Poashtu këtë pranverë, kryetari i këtij komiteti Mikola Gnatovskij vizitoi Maqedoninë dhe gjithashtu ndër të tjerat bisedoi me autoritetet në lidhje me këtë qendër. Unë theksoj se autoritetet maqedonase ende nuk e kanë miratuar publikimin e raportit në lidhje me vizitën e Komitetit për parandalimin e torturës.
Më në fund, dy ditë para fillimit të grevës me uri, Avokati i popullit të Republikes se Maqedonise prezantoi situatën katastrofike dhe mungesën e ligjit të cilat sundojnë në këtë qendër.
Sot, ne mund të konkludojmë se publiku në Maqedoni edhe komuniteti ndërkombëtar, mediat dhe organizatat e huaja janë plotësisht të vetëdijshme dhe të informuara për problemin me këtë qendër. Qendra në Gazi Babë sot është një temë ndërkombëtare. Nëse autoritetet kanë vendosur që ky problem katastrofik nuk duhet të jetë një subjekt i reagimit të menjëhershëm dhe zgjidhje të mëvonshme, atëherë ajo patjetër e vë vendin tonë në mesin e atyre të cilët haptazi dhe pa skrupuj kryejnë torturë, në sytë e gjithë botës, ndërsa autoritetet e identifikojnë veten si institucione të drejtuara nga njerëzit që nuk kanë respekt për jetën e njeriut. Për jetën e qindra njerëzve të cilët janë të bllokuar në qendër. Së fundi, për jetën time.
Prandaj, në këtë ditë unë i jap fund grevës me uri. Sepse kufijtë e rreziqeve shëndetësore janë tejkaluar tashmë, dhe për shkak se potencialet e kësaj greve janë plotësuar.
Kërkesat e mia, të cilat janë kërkesa nga një pjesë e madhe e publikut në Republikën e Maqedonisë, janë plotësuar pjesërisht.
Akti im qytetar ishte një pikë e cila krijoi dallga të cilat, unë sinqerisht shpresoj, së bashku me të gjitha përpjekjet e tjera, do të çojnë në zgjidhjen e këtij problemi që kthen vendin tonë në një hapësirë të paqytetëruar.
Unë pafundësisht falenderoj mijera njerëzit që sinqerisht dhe qartë shprehën mbështetjen e tyre, duke e bërë këtë akt civil si të tyrin, aq sa ishte i imi.
Në ndërkohë, përdoruesit e Twitter vazhdojnë të shpërndajnë fotot të cilat tregojnë kushtet e refugjatëve të paraburgosur.
