Foto e videos së Leylës nga llogaria në Twitter e NC SOS

Një video e një vajze të re të përlotur duke thënë se iku nga prindërit e saj në Ingusheti, një republikë e Kaukazit të Veriut në Rusi, ka qarkulluar në segmentin rusishtfolës të Twitter ditët e fundit. Në video, Leyla thotë se prindërit e saj duan ta “shërojnë” ateizmin e saj në çdo mënyrë që të munden, duke përfshirë rrahjen dhe mjekimin e saj. “Do të vras veten nëse më duhet të kthehem në këtë ferr”, shton ajo. Ajo u arrestua dhe u ndalua nga policia e Shën Peterburgut (vajza thirri policinë kur të afërmit e saj e gjetën në banesën e Shën Peterburgut), por më pas u mbajt me akuza të rreme nga familja e saj.

Me ndihmën e grupit të krizës së SOS i Kaukazit të Veriut , i cili siguroi një avokat dhe strehim, ajo tani është e sigurt.

Këtu është historia e saj në temën e mëposhtme në Twitter:

St. Petersburg police tried to kidnap a girl who escaped from domestic violence

In this video, a girl in tears asks not to give her to her relatives pic.twitter.com/OGLBKl0dgL

— Crisis Group NC SOS (@ncsosorg) November 26, 2022

Policia e Shën Peterburgut tentoi të rrëmbejë një vajzë që i shpëtoi dhunës në familje. Në këtë video, një vajzë e përlotur kërkon që të mos ta kthejnë te të afërmit e saj

As a result, the police detained Leyla and kept her in the department. According to the girl, they wanted to hand her over to the employees of the Ministry of Internal Affairs of Ingushetia

— Crisis Group NC SOS (@ncsosorg) November 26, 2022

Për pasojë, policia ndaloi Leylan dhe e mbajti në departament. Sipas vajzës, ata donin t'ja dorëzonin atë punonjësve të Ministrisë së Punëve të Brendshme të Ingushetisë.

Layla is now safe, but her life is still in danger. We do not know what methods relatives may resort to in order to return the girl home

Please share this information. Publicity is very important in such cases

— Crisis Group NC SOS (@ncsosorg) November 26, 2022

Layla tani është e sigurt, por jeta e saj është ende në rrezik. Nuk e dimë se çfarë metodash mund të përdorin të afërmit për ta kthyer vajzën në shtëpi. Ju lutemi ndajeni këtë informacion. Informimi është shumë i rëndësishëm në raste të tilla

SOS i Kaukazit të Veriut  e përshkruan veten si një grup OJQ-sh të bashkuara për të ndihmuar viktimat LGBTQ+ në Çeçeni dhe republika të tjera të Kaukazit të Veriut rus. Ato ndihmojnë gjithashtu gratë dhe vajzat që janë subjekt i dhunës gjinore. Leyla u arratis nga rajoni vetë, me ndihmën e aktivistëve të tjerë, duke përfshirë autorin nga Shën Peterburgu të romanit grafik “Ikja”, Vladislav Horin. Ndërsa ishte në qytet, ajo kontaktoi OJQ-në Marem, e cila ndihmon gratë dhe vajzat nga Kaukazi i Veriut.

Na ndihmoni të shpëtojmë Leyla Gureeva, thuhet në këtë poster nga faqja e themeluesit të Merimit në Facebook

Si financohen OJQ-të

Si NC SOS ashtu edhe Marem janë në gjendje t'i ndihmojnë këto viktima për shkak të donacioneve, kryesisht lokale, nga Rusia. Tashmë është bërë më e vështirë mbledhja e tyre, por organizatat nuk mund të heqin dorë nga puna e tyre.

Më 26 tetor, Marem shkroi në kanalin e Telegram:

Miq, kemi nevojë urgjente për donacionet tuaja. Ata që abonohen tek ne e dinë se çfarë bëjmë dhe sa kohë kemi ndihmuar. Zakonisht, në situata të tilla të mungesës së plotë të parave, u drejtoheshim fondacioneve miqësore dhe organizatave të të drejtave të njeriut për ndihmë. Por tani nuk ka mbetur pothuajse asnjë prej tyre në Rusi dhe ata që kanë mbetur kanë nevojë për mbështetje. Ne e kuptojmë se sa të vështira janë kohët për të gjithë tani. Por kërkesat vazhdojnë të vijnë. Kërkesa tjetër mund të vijë nesër ose pas një ore dhe ne duhet t'u përgjigjemi menjëherë, sepse shpesh bëhet fjalë për jetë a vdekje. Dhe kjo ndihmë do të kërkojë shpenzime dhe këtu ne nuk mund t'i përballojmë pa ju.

Themeluesja e organizatës, Svetlana Anokhina, një gazetare nga Dagestani, shtoi në një postim tjetër:

“Duke transferuar para tek ne, nuk po na përkrahni ne, aktivistet.
Ju po mbështesni Iraidën, e cila lufton që burri i saj, i cili e rrahu atë dhe dy vajzat, tani të gjykohet për akte seksuale ndaj vajzës së saj 15-vjeçare dhe nuk mund ta përsëriste kurrë këtë.

Ju po ndihmoni Hedën, ajo u rrëmbye dhe u soll me një pretendim të rremë nga Austria në Çeçeni dhe do të detyrohej të martohej. Çfarë ajo tregoi për familjen e saj dhe kushtet në të cilat ajo duhej të jetonte është thjesht monstruoze.

Ju po mbështesni Amin, ajo u detyrua të ikte dhe të fshihej – pa para, pa dokumente, pa ndihmë.

Ju mbështesni Linën nga Çeçenia, një gazetare aspiruese – ajo shtypi mesazhet e saj të para të mëdha në telefon. Ne arritëm t'i blinim asaj një laptop, edhe gjatë kësaj kohe të tmerrshme.

Ne po mbledhim para për një biletë për të shpëtuar nga një përdhunues. Për të paguar për mbështetje psikologjike afatgjatë.

Ne mbledhim para për ushqim: miell, qumësht, sheqer, çaj për një nënë që pas divorcit, duan t'i marrin vajzën.

Për pecetat higjenike. Po edhe për ato.

Për të paguar një bujtinë në mënyrë që një grua të pushojë për të paktën disa ditë. Për të blerë këpucë për një vajzë që vraponte me shapka shtëpie.

Për rinxjerrjen e dokumenteve – shumë nga dokumentet e vajzave tona thjesht fshihen që të mos shkojnë askund.

Dhe këto para nuk po mi dërgoni mua, Sveta Anokhina, jo aktivistëve të tjerë të ekipit tonë. Por për Amin, Khadizhat, Perus, të cilat po përpiqen të mbijetojnë.”

Ndikimi i SOS të Kaukazit të Veriut

SOS i Kaukazit të Veriut blen bileta dhe ofron transport për njerëzit që të arratisen; ndihmon me çështjet ligjore, strehimin dhe nevojat mjekësore. Ata po mbledhin gjithashtu prova të ndjekjes penale të personave LGBTQ+ në Çeçeni dhe republika të tjera të Kaukazit të Veriut, në mënyrë që drejtësia të vihet në vend një ditë.

Në tetor 2022, ata ndihmuan katër motra nga Dagestani, të cilave ju bë rrethprerje në organet gjenitale dhe përballeshin me rrahjet në familje, të arratiseshin në Gjeorgji.

Пограничники не выпустили из России четырёх дагестанских девушек, которые пытались сбежать от насилия родственников pic.twitter.com/W2aXTTvYCo

— SVTV NEWS (@svtv_news) October 29, 2022

Policia kufitare ruse nuk po i lë katër vajzat dagestane, të arratisura nga dhuna në familje, të kalojnë kufirin [me Gjeorgjinë].

Në video, katër vajzat po kërkojnë që të mos bashkohen me prindërit sepse ata duan t'i vrasin.

Një nga motrat, Patimat, më vonë publikoi foto që ilustrojnë se si vëllai dhe nëna e saj e rrahën sepse dyshonin në “te besimi fetar” i saj:

Сёстры из Дагестана показали, почему бегут из родного дома

Патимат Магомедова опубликовала фотографии последствий «ссор» с родственниками. Мать и брат Патимат до крови и огромных гематом избивали её, потому что сомневались в достаточной религиозности. pic.twitter.com/EuR19WXuy8

— SVTV NEWS (@svtv_news) October 29, 2022

Motrat nga Dagestani shpjeguan pse u larguan nga shtëpia e tyre. Patimat Magomedova publikoi foto nga pasojat e “zënkave” me të afërmit. Nëna dhe vëllai i saj e kanë rrahur deri në atë pikë sa është gjakosur dhe ka pasur mavijosje të mëdha; të gjitha sepse dyshonin se ajo nuk ishte mjaftueshëm fetare.

Aktivistja e të drejtave të njeriut Almut Rochowanski, që ka punuar me OJQ-të në Kaukazin e Veriut për shumë vite, postoi në Twitter:

The most stunning, epic story of liberation and transformation I've had the privilege to witness in my life: the emergence of a radical feminist movement in the belly of the beast, the eastern North Caucasus (Ingushetia, Chechnya, Dagestan). With teenage girls in the lead. https://t.co/isuUTnN1yb

— Almut Rochowanski (@rochowanski) November 26, 2022

Historia më mahnitëse, epike e çlirimit dhe transformimit që kam pasur privilegjin të dëshmoj në jetën time: shfaqja e një lëvizjeje radikale feministe në barkun e bishës, Kaukazin e Veriut lindor (Ingushetia, Çeçeni, Dagestan). Me vajzat adoleshente në krye.

Si mund të ndihmojmë?

Rochowanski gjithashtu tha në një intervistë me Global Voices:

Është interesante se për 10 vitet e fundit, unë kam punuar në Rusi në mobilizimin e burimeve lokale kryesisht në formën e donacioneve të vogla nga qytetarët rusë. Në kohën kur fillova të flas për këtë, pati shumë armiqësi nga aktivistët rusë, por edhe nga partnerët perëndimorë. Por kjo ka ndryshuar. Në pesë vitet e fundit donacionet u bënë më të pranueshme dhe madje të njohura. Disa nga organizatat kryesore ruse për të drejtat e njeriut, me një emër vërtet të mirë-formuar, ishin në gjendje të bënin disa gjëra vërtet të mahnitshme si mbledhja e parave jo vetëm nga disa njerëz brenda Rusisë, por nga shumë njerëz. Ata arritën të mbledhin fonde nga mijëra e mijëra rusë të zakonshëm për të bërë punën e tyre për të drejtat e njeriut. Këto ishin donacione të vogla pa asnjë detyrim, bazuar në besimin se këta aktivistë dhe organizata do të bënin gjënë e duhur me fondet. Kjo ishte në fakt, një nga gjërat e fundit për të cilat punova para fillimit të luftës: të ndihmoja organizatat ruse të transformonin modelin e tyre financiar.

Tani, si SOS i Kaukazit të Veriut ashtu edhe Marem po mbledhin fonde nga brenda Rusisë. Megjithatë, siç thonë ata vetë, situata u vështirësua. Dikush mund të ndihmojë përpjekjet e tyre edhe nga jashtë, pasi pranojnë donacione edhe përmes PayPal.