Nga Mariam A. E përdorur me leje
Të gjithë kanë sytë te Egjipti, pasi ai pret Konferencën e 27-të të OKB-së për Ndryshimet Klimatike (COP27) në Sharm El-Sheikh nga 6 deri në 18 nëntor, e cila bashkon më shumë se 190 qeveri për të tentuar dhe zgjidhur disa nga sfidat mjedisore më të ngutshme në botë.
Bota aktualisht po përjeton situata katastrofike të motit, një krizë energjetike të shkaktuar nga konflikti në Ukrainë dhe studime shqetësuese të OKB-së që paralajmërojnë se “një dritare mundësish është në prag të mbylljes”, sepse njerëzimi nuk po bën mjaftueshëm për të luftuar ngrohjen globale.
Megjithatë, axhenda e konferencës rrezikohet të mbizotërohet nga përkeqësimi në vendin pritës të të drejtave të njeriut dhe goditja e hapësirës qytetare.
COP27, një hapësirë për “larjen e gjelbër”
Ndërsa Egjipti pret konferencën COP27, qeveria ka kufizuar pjesëmarrjen e organizatave lokale të shoqërisë civile duke kontrolluar në mënyrë selektive OJQ-të që lejohen të marrin pjesë në konferencë, duke përjashtuar organizatat që janë kritike ndaj qeverisë egjiptiane. Procesi i aplikimit nuk iu tregua organizatave të shoqërisë civile dhe as kriteret e përzgjedhjes.
Kjo përkeqësohet, sipas ekspertëve, me rritjen e koordinuar e çmimeve të hoteleve, kufizimet e shumta të së drejtës për tubim paqësor jashtë vendit ku mbahet COP27 dhe vonesave arbitrare në lëshimin e vizave për vizitorët ndërkombëtarë.
Super fun to have a climate summit in a police state sponsored by @CocaCola while most “civil society” delegates save their indignation for jacked up hotel prices instead of locked up political prisoners. #COP27 in #Egypt is shaping up to be very cool and normal. #SaveAlaa https://t.co/28NEuyYxVD
— Naomi Klein (@NaomiAKlein) October 1, 2022
Shumë argëtuese të kesh një samit klimatik në një shtet policor të sponsorizuar nga Coca-Cola, ndërkohë që shumica e delegatëve të “shoqërisë civile” e ruajnë indinjatën e tyre për çmimet e larta të hoteleve në vend të të burgosurve politikë. COP27 në Egjipt po vjen si shumë i lezetshëm dhe normal
Për t'i hedhur benzinë zjarrit, qeveria egjiptiane përjashtoi çdo organizatë egjiptiane me bazë në Sinai ose e fokusuar kryesisht në Sinai nga pjesëmarrja në COP27, pavarësisht faktit se samiti po mbahet në Sharm El Sheikh, që ndodhet në territorin e tyre, sipas Institutit të Kajros për të Drejtat e Njeriut.
Që nga viti 2013, qeveria egjiptiane zhvillon një fushatë ushtarake kundër një dege të Shtetit Islamik në Sinain e Veriut. Fushata përfshin kufizime të shumta në lëvizjen e njerëzve dhe mallrave në pothuajse të gjithë rajonin, si dhe pezullimin e shërbimeve të telekomunikacionit për disa ditë në një kohë të caktuar. Si pasojë, banorët e zonës kanë nevojë dëshpërimisht për ndihmë humanitare.
Kjo është pjesë e një konteksti më të gjerë në të cilin qeveria e presidentit egjiptian Abdel Fattah El-Sisi ka shtypur shoqërinë civile egjiptiane dhe avokatët e të drejtave të njeriut, duke kufizuar aftësinë e tyre për të marrë pjesë në diskursin politik dhe hapësirat qytetare që nga marrja e pushtetit në një grusht shteti ushtarak në 2013.
Arrestimet dhe ndalimet, ngrirja dhe shpërbërja e aseteve të OJQ-ve dhe kufizimet e udhëtimit për mbrojtësit e të drejtave të njeriut kanë krijuar një klimë frike për organizatat e shoqërisë civile egjiptiane që të angazhohen dukshëm në COP27,” thonë ekspertët.
Një krizë e vazhdueshme e të drejtave të njeriut nën pushtetin e El-Sisi
Sipas raportit të Human Rights Watch World 2022, që thekson krizën e vazhdueshme të të drejtave të njeriut në Egjipt nën administratën e presidentit Abdel Fattah El-sisi, në vitin 2021 qeveria shtoi ndjekjet penale të aktivistëve paqësorë dhe kritikëve nga Gjykatat abuzive të Sigurisë së Shtetit dhe Emergjencave. Gjykatat gjithashtu dhanë dënime me vdekje në gjyqe masive, duke shtuar shumë numrin e ekzekutimeve.
Njëkohësisht, numri i të burgosurve politikë, duke përfshirë kritikë të qeverisë, gazetarë dhe aktivistë të të drejtave të njeriut, i kaloi 60,000. Shumë të burgosur kalojnë periudha të gjata kohore në burg, pa gjyq dhe më pas ngatërrohen në një vorbull “rastesh të ricikluara” të krijuara për t'i mbajtur ata në qeli, ku të burgosurit e liruar ri-arrestohen për raste të reja, me akuza të njëjta ose të ngjashme.
Autoritetet gjithashtu neglizhuan të shqyrtonin rastet e shumta të keqtrajtimit dhe torturës që vazhdojnë të ndodhin në burgje. Ato intensifikuan gjithashtu shënjestrimin e familjeve egjiptiane të avokatëve të të drejtave të njeriut që jetojnë jashtë vendit.
#SaveAlaa, dritarja e mundësive është në prag të mbylljes për Alaa Abd el-Fattah
Lironi Tarifa Alaa Abd El-Fattah para COP27. Motrat e Alaas, Mona dhe Sanaa Seif, duke protestuar jashtë Zyrës së Jashtme Britanike Nga Alisdare Hickson – Foto e tij, CC BY-SA 4.0. Përdorim i drejtë.
Ala Abd el-Fattah është një nga këta individë; mbrojtës i të drejtave të njeriut, autor dhe zhvillues softuerësh me origjinë britaniko-egjiptiane. Ai ishte një nga zërat kryesorë gjatë revolucionit të 25 janarit 2011, dhe si rezultat, ai është arrestuar nga çdo qeveri gjatë jetës së tij.
Two years ago today, Alaa Abd El Fattah was arrested by security forces from Dokki police station, where he was spending 12 hours a day on probation. Today marks the legal limit of his pretrial detention.
Here is a timeline mapping his experience with the prison system. pic.twitter.com/ksL1njU5QF— Mada Masr مدى مصر (@MadaMasr) September 29, 2021
Si sot para dy vjetësh, Alaa Abd El Fattah u arrestua nga forcat e sigurisë të stacionit të policisë Dokki, ku kalonte 12 orë në ditë në shërbim prove. Sot shënohet kufiri ligjor i paraburgimit të tij. Këtu është një plan kohor që tregon përvojën e tij me sistemin e burgjeve.
Arrestimi i tij më i fundit filloi me rrëmbimin më 29 shtator 2019. Ai u mbajt në paraburgim për më shumë se dy vjet për “përhapje informacioni të rremë” në formën e ndarjes së një postimi në Facebook. Pas kësaj, ai u dënua me pesë vjet burg.
Më 2 prill 2022, Alaa filloi një grevë urie për të shprehur kundërshtimin ndaj kushteve të vështira në burg dhe dënimeve të caktuata nga politika, që e ndanë nga djali dhe familja e tij.
Pas më shumë se 212 ditësh grevë urie të pjesshme, Abd el-Fattah kaloi në grevë të plotë më 1 nëntor 2022. Ai gjithashtu filloi refuzimin e ujit më 6 nëntor 2022, ditën e parë të COP27.
Është ose liri ose vdekje për Abd el-Fattah para përfundimit të COP27.
Motra e Abd el-Fattah, Sanaa u largua nga Londra, ku kaloi javët e fundit duke bërë fushatë për lirimin e tij, për të marrë pjesë në COP27:
I'm on my way to #COP27 as my brother @alaa, a British citizen, begins water strike. He may only last a few days. My family needs proof of life by noon every day. @RishiSunak, I'm relieved you're working to #FreeAlaa until then, will you confirm that Alaa is still alive each day?
— Sanaa (@sana2) November 6, 2022
Jam duke shkuar për në COP27 pasi vëllai im Alaa, një shtetas britanik, fillon grevën duke refuzuar ujin. Ai mund të jetojë vetëm disa ditë. Familja ime ka nevojë për prova se ai është gjallë deri në mesditën e çdo dite. Rishi Sunak, jam e lehtësuar që po punon për ta liruar Alaa, deri atëherë, a do ta konfirmosh çdo ditë që Alaa është ende gjallë?
Abd el-Fattah ka qenë i përfshirë në një sërë nismash të gazetarisë qytetare. Libri i tij, “Ju ende nuk jeni mposhtur“, ka marrë një vlerësim të gjerë.
#Alaa wrote “My mother started a sit in in front of the prison gates. It ended with her & my 2 sisters being assaulted & Sanaa being arrested for the 3rd time..I describe Sanaa’s stubborn, defiant personality”p.432.
Today @sana2 @Monasosh fight for their brother’s life#FreeAlaa pic.twitter.com/i26wIoq1jA— Winchelgirl (@winchelgirl) November 3, 2022
Alaa shkroi: “Nëna ime filloi të ulet para portave të burgut. Historia përfundoi me atë dhe dy motrat e mia që u sulmuan dhe Sanaa u arrestua për herë të tretë. Sot @sana2 @Monasosh luftojnë për jetën e vëllait të tyre #FreeAlaa
Protestat popullore në sfondin e konferencës
Edhe pse protesta është ndaluar ligjërisht që nga viti 2013 dhe shpesh trajtohet me vendosmëri, egjiptianët po bëjnë thirrje që protestat të zhvillohen njëkohësisht me konferencën në përgjigje të rritjes së çmimeve, rënies së standardit të jetesës, kërkesave për të drejtat civile dhe lirinë e shprehjes dhe thirrjeve për dorëheqjen e presidentit, duke e quajtur atë “revolucioni i klimës”.
توضيح مهم
١- السيسي و مليشياته لن يستطيعوا ان يستخدموا اى عنف ضد المتظاهرين فى الفترة من ٦- ١٨ نوفمبر ولا حتى خراطيم الماء ولا حتى الغاز
٢- السيسي فى مأزق وفى اضعف حالاته وهذه فرصتنا #احشد_ليوم_11نوفمبر #ارحل_عدو_الله #إنزل_١١_١١_حرر_بلدك #نازلين_الجمعه_11_11_ثورة_المناخ pic.twitter.com/IhlNqFCulg— ezz sief عز سيف (@ezzsaif) November 2, 2022
Një sqarim vendimtar, 1-Midis 6 dhe 18 Nëntorit, Sisi dhe milicët e tij nuk do të mund të përdorin asnjë lloj force kundër protestuesve, madje as ujë me presion apo gaz. 2- Kjo është mundësia jonë pasi Sisi është në telashe dhe kjo është më e dobëta e tij. Protestë më 11 nëntor, #ارحل_عدو_الله Shko, o armik i Zotit; #إنزل_١١_١١_حرر_بلدك, protestoni më 11/11 për të çliruar kombin tuaj; #نازلين_الجمعه_11_11_ثورة_المناخ, Ne po marrim rrugët në 11/11 revolucioni klimatik
Rreth 70 persona thuhet se janë arrestuar deri më tani në lidhje me kërkesat që protestat të zhvillohen në lidhje me takimin e klimës COP27.
Ka pasur gjithashtu raportime për oficerë të sigurisë me rroba civile që kontrollojnë telefonat celularë të këmbësorëve, kërkojnë profilet e tyre në mediat sociale dhe kanë ndaluar këdo që ata dyshojnë se është aktivist politik.
رصدت #نحن_نسجل قيام جهاز #الأمن_الوطني وقوات الأمن التابعة لوزارة الداخلية في #مصر، بشن حملة اعتقالات موسعة في معظم محافظات الجمهورية.
ووفق ماوثقته المنظمة، فقد استهدفت الاعتقالات بعض من تم الإفراج عنهم من معتقلين سابقين، بالإضافة إلى أسر بعض المعارضين المصريين في الخارج.
(1/2) pic.twitter.com/XIMxVfYHIR
— We Record – نحن نسجل (@WeRecordAR) October 28, 2022
Ne kemi vërejtur se Agjencia e Sigurisë Kombëtare dhe forcat e sigurisë të lidhura me Ministrinë e Brendshme në Egjipt, kanë nisur një fushatë të gjerë arrestimesh në shumicën e provincave të republikës. Sipas raportimeve, arrestimet kishin në shënjestër disa ish të burgosur, tashmë të liruar, si dhe familjet e disa disidentëve egjiptianë që janë jashtë vendit.
