- Global Voices në Shqip - https://sq.globalvoices.org -

Shpjegimi i Kongresit të 20-të të Partisë Komuniste të Kinës: Siguria

· Shkruar nga  Oiwan Lam Përkthyer nga Ardi Pulaj

Kategoritë: Azia Lindore, Kina, Censura, Media e qytetarëve, Politika, Të drejtat e njeriut, COVID-19, GV Advocacy
[1]

Foto nga kanali i Vice News [1] në YouTube

Global Voices po boton një seri artikujsh që eksploron gjuhën e përdorur gjatë Kongresit të 20-të të Partisë Komuniste të Kinës (PKK) dhe analizon implikimet e saj për politikën dhe diplomacinë kombëtare të Kinës. Gjeni artikullin e parë [2] dhe të dytë këtu [3].

Siguria ka qenë gjithmonë një shqetësim kryesor në Kinë. Megjithatë, pas miratimit të Ligjit të Sigurisë Kombëtare [4] në 2015 dhe Ligjit të Sigurisë Kibernetike [5] në 2017, Pekini vazhdon të zbatojë politika më të ashpra sigurie dhe të shtrijë politikat e tij përtej kufirit kontinental deri në Hong Kong dhe Makao, në emër të sigurisë. Siç vërehet nga organizata kërkimore me qendër në Uashington, Qendra për Studime Strategjike dhe Ndërkombëtare, termi “siguri dhe mbrojtje” (安全), u shfaq shumë më shpesh në raportin e Kongresit të 20-të të Shefit të PKK-së Xi Jinping sesa pesë vjet më parë:

Qasja holistike e Xi Jinping ndaj sigurisë

Raporti i Kongresit të 20-të të Partisë i Xi Jinping përmend fjalën “siguri” (安全) 91 herë, një hap i rëndësishëm nga 54 përmendje në raportin e Kongresit të 19-të të Partisë. Lexoni analizën @ChinaPowerCSIS mbi implikimet e raportit të Xi:

Përdoruesi i Twitter @kiddjonek [10] theksoi se fjala 安全 siguri u shfaq 36 herë në një faqe të vetme në raportin e Kongresit të Xi:

Që nga viti 2015, Xi Jinping ka filluar të ndërtojë kuadrin ligjor të Kinës për të krijuar një qasje më “holistike” – siç u shpreh në fjalimet e tij – për të mbrojtur sovranitetin, sigurinë dhe interesat kombëtare të Kinës. Në mandatin e tij të tretë, siç pasqyrohet në raportin e Xi, shqetësimet për sigurinë dhe mbrojtjen nuk do të kufizohen më në fusha strategjike, ai është bërë një parim udhëzues që mbulon të gjitha fushat e tjera të politikave, duke përfshirë fizikun dhe shëndetin e njerëzve, ushqimin, energjinë dhe tregjet bërthamore, zinxhiri i furnizimit, mjedisi dhe burimet, zhvillimi ekonomik, ekonomia, sektorët e internetit dhe informacionit, zhvillimi ushtarak dhe teknologjik, mirëqenia sociale, ideologjia, stabiliteti social dhe politik, eksplorimi i oqeanit dhe hapësirës, etj.

China Dialogue, një OJQ për çështjet globale të mjedisit dhe qëndrueshmërisë, e sheh qasjen holistike të Kinës ndaj sigurisë si një reagim ndaj “pasigurisë” të sjellë nga tensionet gjeopolitike dhe pandemia e COVID-19:

Kjo pasqyron një botëkuptim të fortë të sjellë nga luftërat tregtare, tensionet gjeopolitike dhe pandemia. Koncepti i “sigurisë kombëtare holistike” ishte një fjalë kyçe në prezantimin e Xi, me theks të veçantë në sigurinë e ushqimit, energjisë dhe zinxhirit të furnizimit, ndër të tjera.

Siguria në PKK reflektohet gjithashtu në zgjedhjet e kabinetit të Xi Jinping. Për herë të parë në histori, Ministri i Sigurimit të Shtetit, Chen Wenqing [14], hyri në organin më të lartë vendimmarrës dhe u emërua Sekretar i Komisionit Qendror të Çështjeve Politike dhe Juridike, organi më i fuqishëm i shtetit që mbikëqyr të gjitha autoritetet ligjzbatuese:

Një tjetër vendim që thyen normat ishte që Chen Wenqing, mjeshtri aktual i spiunazhit të Kinës, të bëhej anëtar i Byrosë Politike për herë të parë që nga krijimi i Ministrisë së Sigurimit të Shtetit në vitet '80.

Sa i përket Komitetit të Përhershëm prej shtatë anëtarësh të Byrosë Politike të PKK-së, tre janë bashkëpunëtorët e ngushtë të Xi Jinping: Zhao Leji [17] kryesoi organin më të lartë të partisë kundër korrupsionit, Komisionin Qendror për Inspektimin e Disiplinës (2017–2022) dhe ishte përgjegjës për zbatimin e fushatës anti-korrupsion të Xi; Wang Huning [18] është ideologu dhe skenaristi i PKK-së për ëndrrën e XI për Kinën dhe udhërrëfyesin drejt përtëritjes kombëtare; dhe Ding Xuexiang [19] është sekretari më i besuar i Xi. Tre anëtarët e tjerë kanë përvojë të fortë në menaxhimin e mega-qyteteve përpara promovimit të tyre. Li Qiang [20], i cili zbatoi bllokimin për zero-COVID [21] të Shangait në fillim të këtij viti, tani shërben si kryeministri i ri, personi i dytë më i fuqishëm në qeverinë kineze; Li Xi [22], kreu i PKK-së në Guangdong (2017–2022), tani është në krye të organit më të lartë kundër korrupsionit; dhe Cai Qi [23], i cili është i njohur për dëbimin brutal të punëtorëve emigrantë të varfër ruralë në Pekin, tani është sekretari i parë i PKK-së.

Duket e pashmangshme që kabineti i Xi do të konsiderojë menaxhimin e fortë të qytetit dhe kontrollin social thelbësor për qasjen holistike të sigurisë të PKK.

Gjendja e mbikëqyrjes dhe ndjenja e sigurisë së PKK

Gjatë Kongresit njëjavor, PKK justifikoi masat e saj të ashpra të kontrollit social me nevojën e publikut për një ndjenjë sigurie. Pas fjalimit hapës të Xi, Xu Ganlu, zëvendësministri i Sigurisë Publike, deklaroi në një konferencë për shtyp në Kongres se Kina është një nga vendet më të sigurta në botë, pasi ndjenja e sigurisë së njerëzve ishte deri në 98.6 për qind [24] në 2021, 11 për qind më e lartë se në 2012, sipas një sondazhi të kryer nga Byroja Kombëtare e Statistikave të Kinës. Xu u mburr se ndjenja e sigurisë në Xinjiang është deri në 99.14 për qind.

Duke gjykuar nga pyetësori i sondazhit, treguesit për të matur ndjenjën e stabilitetit të njerëzve janë kryesisht kërcënime të lidhura me krimin ndaj jetës dhe pronës, si vrasjet, grabitjet, vjedhjet, etj.

Zëdhënësi Zhao Lijian, u detyrua gjithashtu të promovonte suksesin e PKK në ruajtjen e sigurisë publike në Twitter. Por një pyetje e thjeshtë e ngritur nga përdoruesi i Twitter @GusFink_Nottle fshikulloi propagandën:

E kuptova. Tani cilat janë statistikat se sa i sigurt je nëse ke mendime ndryshe nga ato të partisë, vëlla?

Përkufizimi i PKK për sigurinë/mbrojtjen është jetik për ndërtimin e një shteti mbikëqyrës, siç shpjegohet nga gazetari veteran kinez Cheng Yizhong në një temë në Twitter:

Nga këndvështrimi i atyre që janë në pushtet, Kina është padyshim vendi më i sigurt në botë. Nuk ka absolutisht hapësirë ​​që të zhvillohen protesta masive që i ngjajnë lëvizjes studentore pro-demokratike në Tiananmen të vitit 1989 dhe kryengritjeve. Edhe një darkë e organizuar deri në një shkallë të caktuar do të kërkonte regjistrim dhe miratim. Sundimtarët natyrisht ndjehen të sigurt dhe ata mund të gëzojnë fuqinë dhe pasurinë e tyre në paqe. Por banorët e zakonshëm nuk ndjehen të sigurt. Unë nuk mendoj se njerëzit do të guxonin t'i linin fëmijët e tyre të ecnin ose të luanin vetëm në rrugë natën…Ndërsa është e pamohueshme që sigurimi social është përmirësuar dhe policia është bërë më efektive në goditjen e aktiviteteve kriminale, në këtë kuptim, kinezët ndjehen më të sigurt. Megjithatë, kjo vjen me një çmim të pakapshëm – miliona kamera vëzhgimi janë instaluar që mbulojnë një territor prej 9.6 milionë kilometrash katrorë si një rrjet merimange. Çmimi është shumë i lartë përtej gjakut dhe djersës së taksapaguesve, ai miraton fuqinë e palës së vetme për të shkelur ligjin, për të cenuar lirinë individuale, privatësinë dhe të drejtat e njeriut…

Siç theksohet nga shumë vëzhgues të Kinës, fiksimi i PKK me sigurinë kombëtare, politike dhe sociale ka të ngjarë të çojë në një normalizim të politikës së saj dinamike zero-COVID [28], e cila miraton gjurmimin e vendndodhjes automatike dhe kontrollin e detyrueshëm të vendit të ngjarjes për të gjithë qytetarët, për të vlerësuar rrezikun e tyre të mundshëm shëndetësor në aplikacionin e kodit shëndetësor të personit. Çdo individ që identifikohet si një kontakt i ngushtë me një individ të infektuar me COVID-19 do t'i nënshtrohet karantinës dhe testeve PCR të rregullta derisa të vërtetohet se personi nuk ka virus.

Sipas sistemit të monitorimit të COVID-it, kontaktet sociale të individëve, vendndodhja e tyre dhe kushtet shëndetësore nuk janë më çështje private dhe ndjenja e tyre e sigurisë supozohet se është më shumë se 98 për qind – vetëm një për qind më pak se njerëzit që jetojnë në Xinjiang, ku telefonët celularë përgjohen për të fshirë kontaktet telefonike të individëve dhe për të fshirë gjurmët e tyre në internet dhe aktivitetet e dyshimta, sipas një raporti të Human Right Watch [29].