Legjislativi – dhe procesi legjislativ – është një nga tre shtyllat e demokracisë, të ngulitura në zemër të sistemit politik. Sistemi ligjor dhe procesi i ligjbërjes ekzistojnë për të mbrojtur qytetarët e një demokracie. Megjithatë, në kërkimin tonë në Unfreedom Monitor [1], ne kemi parë vazhdimisht se si shtetet autoritare, si dhe gjoja demokratike, përdorin ligjet e miratuara gjoja për të mbrojtur qytetarët si mjete për të shfrytëzuar veprimet, fjalët dhe vetë praninë e njerëzve në hapësirat dixhitale për të kufizuar liritë e shprehjes së tyre.
Në Turqi, për shembull, çdo ndryshim i ligjeve [2] rreth Presidencës së Telekomunikacionit dhe Komunikimit (TIB) i jep asaj më shumë fuqi për të vepruar në mënyrë të njëanshme kundër qytetarëve. Në Zimbabve, Akti i Mbrojtjes së të Dhënave [3]shkel të drejtat dixhitale të qytetarëve dhe gjithashtu i lejon shtetit të depërtojë ligjërisht në hapësirat online. Rusia ka miratuar disa ligje që nga viti 2012 [4] për të kufizuar dhe monitoruar përdorimin e internetit dhe fjalën e lirë mes qytetarëve. Akti i 2015 për krimet kibernetike [5] në Tanzani e lejon qeverinë të përgjojë të dhënat dhe të kërkojë të dhëna personale specifike nga ofruesit e internetit. Ndërkohë në Indi, një sërë ligjesh (disa që nuk kanë lidhje me sferën dixhitale) përdoren kundër kritikëve [6] të zëshëm të shtetit.
Bashkohuni me ne në YouTube drejtpërdrejt [7] për një diskutim me fokus pikëtakimin e ligjit, teknologjisë dhe demokracisë më 15 shtator në orën 14:00 GMT. Seanca është falas dhe e hapur për publikun. Regjistrohuni më poshtë për të marrë një kujtesë për aktivitetin:
Regjistrohu falas në Eventbrite [8]
Diskutimi do të moderohet nga Ellery Biddle [9], ish-drejtoreshë e Advox dhe aktualisht redaktore konsulent në Coda Story, dhe do të paraqesë panelistët e mëposhtëm:
- Alok Prasanna Kumar [10], një bashkëthemelues i Qendrës Vidhi për Politikat Ligjore [11], ku fushat e tij kërkimore përfshijnë ligjin kushtetues, qeverisjen urbane dhe ligjin teknologjik. Ai është një kolumnist në “Economic and Political Weekly” dhe në Deccan Herald [12].
- Laís Martins [13], një gazetare braziliane me qendër aktualisht në San Paulo, nga ku ajo raporton për mediat braziliane dhe ndërkombëtare mbi politikën, të drejtat e njeriut, teknologjinë. Një bashkëpunëtore e Qendrës Pulitzer, ajo është studiuese e Unfreedom Monitor për Brazilin.
- Veszna Wessenauer [14] është menaxhere e programit në Ranking Digital Rights dhe ka punuar me disa OJQ hungareze dhe ndërkombëtare, duke përfshirë Politic Capital [15], Democracy Reporting International [16] dhe EU-Rusi Society Civil Forum [17]. Ajo është studiuese e Unfreedom Monitor për Hungarinë.
Ju presim që të bashkoheni [7] me ne të enjten, 15 shtator në orën 14:00 GMT (kliko këtu [18] për ta kthyer në zonën tuaj kohore lokale).