- Global Voices në Shqip - https://sq.globalvoices.org -

Tifozët turq të futbollit thërrasin “Vladimir Putin” gjatë ndeshjes kundër skuadrës së Kievit

· Shkruar nga  Arzu Geybullayeva Përkthyer nga Ardi Pulaj

Kategoritë: Europa Lindore e Qendrore, Lindja e Mesme e Afrika Veriore, Rusia, Turqia, Ukraina, Marrëdhëniet ndërkombëtare, Media e qytetarëve, Politika, Sporti

Foto nga Joshua Hoehne [1]. Përdorim i lirë sipas Unsplash license [2].

Tifozët e klubit futbollistik turk, Fenerbahçe, thuhet [3] se kanë brohoritur “Vladimir Putin” nga tribuna gjatë ndeshjes kundër Dynamo Kyiv më 27 korrik. Thirrja kishte për qëllim të tallte kundërshtarët ukrainas, duke iu referuar pushtimit të presidentit rus Vladimir Putin në Ukrainë.

Ishte vetëm çështje kohe para se kjo thirrje të kthehej në një skandal ndërkombëtar. Disa gazeta [4] e përshkruan thirrjen si “të neveritshme”. Pas ndeshjes, duke folur për mediat [5], trajneri i Fenerbahçes, Jorge Jesus nuk e përmendi. Por më 28 korrik, drejtuesit e klubit lëshuan [6] një deklaratë ku dënonin thirrjet: “Cilido qoftë shkaku, në asnjë mënyrë, Fenerbahçe pranon thirrjet që u bënë në stadium”. Klubi tha gjithashtu se gabimi i gjykimit prej 20 sekondash në një lojë prej 120 minutash nuk duhet të përcaktojë vlerat e ekipit apo tifozët e klubit.

Thirrja erdhi pasi mesfushori i Dynamo Kyiv, Vitaliy Buyalskyi, shënoi [7] golin e parë të ekipit. Në fund, Fenerbahce humbi 2–1 nga skuadra e Kievit.

Dynamo Kyiv mundi Fenerbahçen turke në kualifikueset e Champions League. Tifozët e Fenerbahçes bërtisnin thirrje pro-ruse dhe thonin emrin e Putinit, emrin e një vrasësi që vrau mijëra. Fenerbahçe është humbës si në fushë ashtu edhe jashtë saj.

Tifozët e Fenerbahçes që brohorasin masivisht “Vladimir Putin” gjatë ndeshjes së sotme kualifikuese të Champions League kundër Dynamo Kyiv janë jashtëzakonisht të neveritshëm. Duke përdorur një tragjedi thjesht për inat. Por. Ashtu siç humbi Fener sot, do të humbasë edhe Putini.

Ambasadori ukrainas në Turqi Vasyl Bodnar, gjithashtu reagoi:

Futbolli është një lojë e ndershme. Dje Dinamo e Kievit ishte më e fortë. Por ishte shqetësuese të dëgjoje tifozët e Fenerbahnces të brohorisnin në favor të vrasësit dhe agresorit rus që bombardon vendin tonë. I jam mirënjohës popullit mik të Turqisë që mbështet Ukrainën dhe i konsideron veprimet e tifozëve si të papërshtatshme.

Trajneri i skuadrës ukrainase tha [14] se ishte “turp” që tifozët e Fenerbahçes u përkulën para një thirrjeje të tillë.

Mediat sociale ishin të ndara. Disa e quajtën incidentin një siklet dhe sugjeruan që klubi turk të përjashtohet nga UEFA, organi drejtues i futbollit evropian, të tjerë mbrojtën reagimin nga tribuna.

Tifozët e Fenerbahçes që brohorasin emrin e Putinit gjatë ndeshjes së Ligës së Kampionëve është si përshëndetje naziste. UEFA, ndalojini 5 vjet. Ju lutem shpërndani.

Një moment thellësisht i sikletshëm për Fenerbahçen dhe Turqinë, pasi tifozët përpiqen të hutojnë lojtarët e Dinamo Kievit duke brohoritur për Vladimir Putin. Shumë lojtarë të Kievit do të kenë miq dhe familje që kanë humbur në këtë luftë të pafalshme agresioni. Kjo eshte e gabuar.

Një përdorues i Twitter e justifikoi thirrjen dhe tha se ishte për shkak se tifozët ishin ofenduar nga një gjest i një prej lojtarëve të Dynamo Kyiv. Nico Cantor, korrespondent i futbollit të CBS, tha se Vitali Buyalskyi festoi shënimin e golit “duke bërë shqiponjën me duar, si një shenjë e qartë për rivalin e përhershëm të Fenerbahçes, Beshiktash”. Shqiponja është simboli i klubit të Beshiktashit.

Buyalskiy festoi duke bërë një gjest me dorë të shqiponjës, një shenjë e qartë për rivalin e Fenerbahçes, Beshiktash. Pavarësisht aktit “provokues” të lojtarit të Dinamos, përgjigja e tifozëve të Fenerbahçes është ende krejtësisht e papërshtatshme dhe sinqerisht e ulët.

Lojtari rival ka bërë gjeste për tifozët pasi ka shënuar, madje ka marrë një karton për shkak të tij. Kjo është duke bërë një mal nga një kodër. Tifozët u zemëruan. Do të pajtohesha nëse do të vazhdonin të thërrisnin gjatë gjithë lojës

Deklarata e lëshuar nga klubi të nesërmen konfirmon këtë. Sipas deklaratës [6], “në minutën e 58-të të ndeshjes së djeshme, lëvizjet e ekzagjeruara të disa lojtarëve të skuadrës kundërshtare, sidomos të portierëve rezervë që në të kaluarën kanë luajtur për një ekip në vendin tonë, kanë bërë që disa nga tribunat të emocionohen dhe një reagim që zgjati vetëm 20 sekonda në ndeshjen 120-minutëshe”.

Disa tifozë të Fenerbahçes, si dhe tifozë të klubeve të tjera turke, nxituan në rrjetet sociale për të kërkuar falje për sjelljen e tifozëve të Fenerbahçes.

Kërkojmë falje për brohoritjet e neveritshme të tifozëve të Fenerbahçes. Populli turk është me ju.

Si një tifoz i Fenerbahçes që isha sonte në stadium, dua të kërkoj falje për thirrjen e papërshtatshme për Putin. Unë nuk kam marrë pjesë në këtë turp dhe më vjen tmerrësisht keq si tifoz. Sigurohuni që ishte një reagim i shpejtë dhe i paplanifikuar me të cilin shumica e fansave nuk janë dakord.