Rritje në mbështetjen për të liruar Xhulian Asanzh në seancës së ekstradimit të muajt shkurt

Event in support of Julian Assange - Barcelona 24 February 2020

Një marshim në mbështetje të Xhulian Asanzh(Barcelona, 24 shkurt 2020)- Foto e marrë nga llogaria e Flickr e Assemblea Nacional Catalana (CC BY-NC 2.0)

Seanca për ekstradimin e themeluesit të Wikileaks Xhulian Asanzh në Shtetet e Bashkuara në 24 shkurt, çoi në mbledhjen e shumë njerëzve si në rrugë, ashtu dhe në internet për të mbështetur lirimin e tij.  Përdoruesi i Twitter-it Bean përmblodhi qëndrimin e shumë njerëzve në të gjithë globin:

Mos u mashtroni: Xhulian Asanzh është një gazetar, jo një haker dhe SHBA do ta shndërrojë punën e tij të gazetarisë së sigurisë kombëtare në një krim. #DontExtraditeAssange #AssangeCase pic.twitter.com/bnnoDrqmeh

— Bean🔥 (@SomersetBean) 23 shkurt, 2020

Asanzh gjithashtu një mbështetje të madhe nga gazetarë të njohur:

1200 gazetarë nga 98 vende: Ne u bëjmë thirrje të gjithë gazetarëve të flasin në mbrojtje të Xh.Asanzh në këtë kohë kritike. Kohë të rrezikshme kërkojnë për një gazetari të patrembur. #JournalistsSpeakUpForAssange.

Gazetarët në mbarë botën dënojnë veprimin e gjykatës kundër Xhulian Asanzh https://t.co/2SnV50TwVY

— ���Mary Kostakidis (@MaryKostakidis)  20 shkurt, 2020

Prapaskenat

Kanë kaluar gati 8 vjet që kur Asanzh kërkoi azil në ambasadën ekuadoriane në Londër dhe 1 vit që nga burgimi i tij në burgun Belmarsh të Mbretërisë së Bashkuar për shkelje të lirimit me kusht.

Në vitin 2006 ai krijoi faqen e tij në internet Wikileaks, në të cilën janë botuar informacione të dala dhe të klasifikuara nga qeveria e SHBA-së dhe burime të tjera. Shembuj të mëdhenj përfshijnë shkrimet e luftës në Afganistan dhe Irak si dhe ”Cablegate”. Asanzh bashkëpunoi me ”shpërndarësen e informacioneve” Çelsi Mening në këto rrjedhje të dhënash. Rasti i ekstradimit lidhet me paditë për komplot për të kryer ndërhyrje në kompjuterë dhe spiunazh. Asanzh mund të dënohet me 175 vjet burg nëse vërtetohet të gjitha akuzat.  Ai është akuzuar nga qeveria amerikane për vënie në rrezik të jetëve.

Hero apo keqbërës?

Asanzh është një figurë polemike për shumë arsye. Në vitin 2010, Suedia lëshoi një urdhër-arrest për Asanzhin, në lidhje me akuza për sulm seksual. Akuza ka përfunduar tashmë. Në vitin 2016, botimi i arkivës private të postës elektronike të Hillari Klinton çoi në shkatërrimin e figurës së tij në sytë e shumë përparimtarëve, të cilët e akuzuan atë për bërjen e punës së pistë të Presidentit rus Putin dhe për ndihmën për të zgjedhur Donald Trumpin si President. Asanzh i mohon këto akuza.

Por shumë përdorues të internetit i hedhin poshtë sulmet ndaj Asanzh dhe Wikileaks. Disa besojnë se ajo që është me rëndësi janë parimet e përfshira, jo karakteri i Asanzhit:

“Gjithkush ka një pikëpamje mbi Asanzh. Por, sinqerisht, pikëpamjet tona duhet të jenë të parëndësishme. Ne, publiku, nuk jemi në dijeni. Manipulohemi lehtë. Mund të gabohemi.” #FreeAssange #DontExtraditeAssange #auspol https://t.co/QGVr2YBuE9

—💧fladdle (@fladdle)  29 shkurt, 2020

Të tjerë refuzojnë ta mbështesin atë për një sërë arsyesh:

Asanzh nuk meriton respekt, ai e humbi kur ndihmoi që të zgjidhej Trump si President.

- Nathan Luandovski (@NamerElodin)  6 Mars, 2020

 

Asanzh nuk është Shenjtor. Ai vë jetë njerëzish në rrezik me veprimet e tij. Procesi i duhur është i rëndësishëm, 100%, por le të mos shpërfillim gjërat e këqija që Wikileaks ka bërë duke vënë në rrezik familje në vende si Iraku. E pafalshme.

- Rantomon (@Rantomon) 5 Mars, 2020

 

Ish-ambasadori australian në Izrael dhe tani deputet i thjeshtë, Dejv Sharma, është bashkuar me politikanë të shumtë që kanë pak kohë për Asanzh. Greg Barns, një avokat për të drejtat e njeriut  dhe këshilltar i ekipit të Asanzhit, kohët e fundit e mori Sharmën në detyrë.:

@DaveSharma Ky nuk është propozim. #Assange duhet të mbështetet njësoj si Australianët e tjerë të ndaluar jashtë vendit @AssangeCampaign Akademikët e burgosur meritojnë më shumë simpati se Asanzh, thotë Sharma  https://t.co/SdF9rZATHW

— Greg Barns (@BarnsGreg) 2 mars, 2020

Ka një grup të vogël anëtarësh pro-Asanzh në Parlamentin federal australian. Deputeti Julian Hill mbështeti ”Xhulianin tjetër” në një fjalim në Dhomën e Përfaqësuesve:

Ata e  burgosën dhe e torturuan Xhulian Asanzhin që ta heshtnin. Fola për të drejtat e tij sot, dhe dritat në Parlament ikën.    pic.twitter.com/5T2zehSarU

- Julian Hill MP (@JulianHillMP) 26 shkurt, 2020

Fushata #LironiAsanzhin

Ka patur një ringjallje mbarëbotërore të demonstratave dhe protestave. Akademiku nga Zelanda e Re, Aleks Hill është një aktivist i cili koordinon fushatën QirinjëPërAsanzh:

120 marshime po mbahen këtë javë për DEAcampaign
së bashku me mbi 35 marshime të përjavshme ose dyjavore në mbarë botën
(25 qytete në Gjermani) @QirinjëPërAsanzh
🇦🇺🇳🇿🇸🇮🇫🇷🇺🇲🇬🇧🇳🇱🏴󠁧󠁢󠁳󠁣󠁴󠁿🇬🇷🇰🇷🇸🇪🇲🇽
🇮🇹🇮🇪🇩🇪🇧🇪🇨🇦🇨🇭 🇳🇴🇦🇹🇪🇸🔥(=Katalonjë)
24  shkurt 2020 (37 qytete në 22 shtete)

🎵@Pamariki + @GreenweaverArch pic.twitter.com/QtGPesJXei

—Kundër luftës ☮AleksHills🎻🎵 (@GreenweaverArch)  27 shkurt, 2020

Separatistët katalanë,Assemblea Nacional Catalana, e postuan foton në Flickr. Ajo paraqet një protestë në Barcelonë në 24 shkurt. Një pjesë e titullit thotë: “L’Assange va donar suport a l’autodeterminació de Catalunya: ara som nosaltres qui li’n donem!” (Asanzh mbështeti vetë-vendosmërinë e Katalonjës. Tani, do t'ju a kthejmë atë!”)

Avokatja guatemalase Renata Avila (një anëtare e komunitetit të Global Voices) raportoi nga dita e katërt e dëgjimit rreth çështjes së fundit që përfshinte trajtimin e Asanzh në sistemin gjyqësor:

Përmbledhja e rastit të ekstradimit #Asanzh sot: i akuzuari nuk mund të “dëgjojnë” argumentet dhe Gjykatësja nuk pranon ta rregullojë atë: ai vetëm dëshiron të ulet pranë avokatëve të tij. Tërësisht e arsyeshme. Ajo refuzoi. Ajo madje kërcënoi se do ta zgjasë procesin. Procesi i duhur? Apo ndëshkim nga procesi?

- Renata Avila (@avilarenata) 27 shkurt, 2020

Kjo pason pretendimet e mëparshme nga raportuesi i posaçëm i OKB-së, Nils Melzer, se Asanzh ”është torturuar dhe vazhdon të torturohet” në burgun Belmarsh.

Ka me qindra faqe në Facebook si Free Julian Assange dhe dhjetra mijëra poste në Instagram që peticionojnë për lirimin e tij.

Çelsi Mening tentoi të vriste veten

Ndërkohë, Çelsi Mening u njoftua të ketë tentuar vetëvrasje në burgun amerikan në të cilin ajo po mbahet, pasi refuzoi t'u përgjigjej pyetjeve përpara një jurie të madhe rreth Asanzh:

Ky është një lajm shkatërrues. Çelsi Mening duhet të lirohet menjëherë! #FreeChelseaManning #FreeAssangeNOW https://t.co/P2c8QWghPa

— Ajrton Evans⏳🌺  (@AyrtonEvans_) 2 mars, 2020

Në një zhvillim të mëvonshëm, një gjykatë ka urdhëruar lirimin e saj pasi juria e madhe është shpërbërë. Wikileaks është përgjigjur:

Juria e madhe e WikiLeaks që vepronte për më shumë se 10 vjet është shpërbërë. Çelsi Mening dhe Xheremi Hamond janë liruar nga makineritë e saj shtrënguese. Tani hiqni të gjitha akuzat ndaj #julianassange dhe lirojeni atë.  pic.twitter.com/qoHuUvvFcg

-WikiLeaks (@wikileaks) - 13 Mars 2020

Peticion online

Filip Adams nga Brisban filloi një peticion online në vitin 2018 i cili ka mbi 365,000 firma. Peticioni i drejtohet Ministres së Jashtme të Australisë, Maris Pejn dhe Kryeministrit Skot Morison për të mbrojtur Asanzhin: ”Xhulian Asanzh është një shtetas australian dhe si i tillë, është përgjegjësi bazë e qeverisë australiane për të mbrojtur dhe siguruar që të drejtat e tij të njeriut të mos shkelen dhe deri tani, qeveria australiane ka dështuar.”

Transmetuesi i radios dhe personalitet i medias me të njëjtin emër, është gjithashtu në anën e Asanzh duke u kërkuar të gjithëve të bëjnë më shumë:

Në revistën javore australiane, sot nga @PhillipAdams_1

”Jemi ne fajtorët për tradhti, tradhti kundër parimeve tona. Jo Xhulian Asanzh” #FreeAssangeNOW #DontExtraditeAssange pic.twitter.com/zRjxPtBqSA

— People For Assange (@people4assange) 28 shkurt, 2020

Seanca e ekstradimit rifillon në maj.

Komento

Autorë, ju lutem hyr »

Rregullat

  • Të gjitha komentet lexohen nga moderatori. Mos dërgo të njëjtin koment më shumë se një herë pasi mund të konsiderohet spam.
  • Respekto të tjerët. Komentet me gjuhë urrejtjeje, të pahijshme dhe sulme personale nuk do të miratohen.