Sulme me bomba në Sri Lanka në kisha e hotele

Kisha historike e Shën Antonit në Kochikade në Kolombo është një destinacion popullor për vendasit dhe turistët. Më shumë se 50 njerëz humbën jetën këtu në mëngjesin e së dielës më 21 prill 2019. Foto nga AntanO nëpërmjet Wikimedia Commons CC: BY-SA 4.0.

Sri Lanka u trondit nga tetë shpërthime në mëngjesin e së dielës së Pashkës (21 prill 2019) në kisha dhe hotele në të gjithë vendin, duke lënë të paktën 207 njerëz të vdekur dhe më shumë se 450 të plagosur.

Gjashtë shpërthimet e koordinuara të bombave kishin si objektiv kishat e mbushura me besimtarë, që po merrnin pjesë në meshat e së dielës së Pashkëve. Të përfshira në sulme ishin kisha e Shën Antonit në Kochchikade në Kolombo, kisha e Shën Sebastianit në Negombo dhe kisha e Sionit në qytetin Batticaloa, që kontrollohet nga Tamilët. Të paktën 67 vetë vdiqën vetëm në kishën e Shën Sebastianit.

Tetë sulme terroriste në Sri Lanka

Bombat kishin si objektiv edhe hotelet luksoze në kryeqytetin Kolombo, përfshirë Cinnamon Grand, Kingsbury dhe Shangri-La, ku të paktën 35 të huaj u vranë.

35 të huaj në mesin e viktimave të shpërthimeve me bomba në Sri Lanka. Ndër viktimat janë shtetas të; SHBA, Danimarkës, Kinës, Japonisë, Pakistanit, Marokut, Indisë dhe Bangladeshit – zëdhënësi i Spitalit Kombëtar

Shpërthimi i shtatë ishte në një hotel të vogël në periferi të Dehiwala, në kryeqytetin Kolombo.

Dy të vdekur në shpërthimin në hotelin e vogël në Dehiwala

Shpërthimi i tetë ishte nga një kamikaz në lagjen Dematagoda të Kolombos, ku u vranë tre policë.

Ministri @RWijewardene duke iu drejtuar mediave tani thotë se do të ndërmerren veprime për të ndaluar aktivitetin e të gjitha grupeve ekstremiste në vend. Mediat sociale ndalohen përkohësisht. Ndalimqarkullim 12 orësh nga ora 6 e mbrëmjes. Shpërthimet në Dehiwela dhe Dematagoda duket se janë kryer nga që dun t'i shpëtojnë drejtësisë.

Askush nuk ka marrë ende përgjegjësinë për sulmet. Megjithatë, raportet sugjerojnë se ato u kryen nga kamikazë.

Qeveria e Sri Lankës shpalli ndalimqarkullimin prej orës 18:00 deri në mëngjesin e ardhshëm. Përveç kësaj, faqet e mediave sociale, duke përfshirë Facebook dhe Instagram u bllokuan përkohësisht për të parandaluar përhapjen e mëtejshme të lajmeve të rreme.

E konfirmuar: Facebook, WhatsApp, Instagram, YouTube, Viber, Snapchat dhe Messenger janë bllokuar në #SriLanka pas shpërthimeve vdekjeprurëse në kisha dhe hotele; ngjarja vijon

Ju lutem mendohuni para se të shpërndani – këtu janë disa infografikë të dobishëm për të ndihmuar në identifikimin e lajmeve të rreme dhe dizinformimit.

Megjithatë, Twitter nuk u bllokua dhe aty po shpërndaheshin informacione të dobishme.

Arkivi i të gjitha postimeve në Twitter. Përditësuar të paktën një herë në orë, për javën e ardhshme

Sri Lanka është një vend multietnik dhe shumë-fetar. Sinhalezët (74.8%) përbëjnë grupin më të madh etnik në vend, ndjekur nga Tamilët e Sri Lankës (11.2%) dhe Moors (9.2%). Sa i përket fesë, budistët (shumica e grupit etnik Sinhalez) përbëjnë 70 për qind të popullsisë 22 milionë, të ndjekur nga Hindutë (13%), myslimanët (10%) dhe të krishterët (7%).

Vendi ishte i përfshirë nga një luftë civile prej tre dekadash mes forcave të armatosura të qeverisë dhe grupit separatist Tamil, Tigrat Çlirimtarë të Tamil Eelam (LTTE), i cili përfundoi në vitin 2009. Bombat që shpërthyen u kujtuan qytetarëve sulmet e atyre kohërave.

Ministri i Mbrojtjes Ruwan Wijewardane premtoi të ndërmarrë të gjitha masat e nevojshme kundër çdo grupi ekstremist që vepron në vend. Ai gjithashtu përsëriti reagimin e qeverisë së Zelandës së Re pas sulmit në Christchurch marsin e kaluar:

Ministri i Shtetit / Mbrojtjes @ RWijewardene u kërkon mediave të mos i publikojnë emrat e sulmuesve të sotëm. Ai paralajmëroi se grupet e tjera ekstremiste mund të shfrytëzojnë situatën dhe të krijojnë tension mes bashkësive. “Mos u jepni ekstremistëve një zë, mos ndihmoni t'i bëni ata martirë

Kryepeshkopi i Kolombos Malcolm Ranjith i bëri thirrje popullit të Sri Lankës të “presë me durim dhe të punojë për paqe dhe harmoni”.

Kryeministri u takua me ministrat dhe personelin e lartë ushtarak; të gjitha masat u morën për ruajtjen e paqes. Siguria është forcuar. Ju lutem qëndroni të qetë. Ju lutemi të veproni me përgjegjësi. Ju lutem JO politikë. Ne të gjithë duhet të veprojmë së bashku si qytetarë të Sri Lankës. Ngushëllimet e mia për të gjitha familjet që humbën njerëzit e dashur.

Gazetari Kelum Samarasena është dakord:

Unë mendoj se Sri Lanka duhet të mësojë nga Zelanda e Re. Le të ketë zero mbulim falas për ngjarjet e tmerrshme terroriste qëllimi i të cilave është publiciteti. Fokusi te viktimat dhe bashkimi i njerëzve. Ata le të jenë LAJME…

Kryeministri Ranil Wickremesinghe u kërkoi të gjithëve të qëndrojnë të qetë dhe të bashkuar.

Njerëzit shkuan në spital për të dhuruar gjak:

Respekt qytetarëve të Sri Lankas! Mirësi e madhe, ne të gjithë mund të jemi krenarë! Dhuruesit e gjakut nuk po ndalen. Numër i lartë i njerëzve që dhurojnë gjak në spitale pas kërkesës së qeverisë

Sapo u kthyem nga spitali Batticaloa ku isha dëshmitar i dhimbjes së pabesueshme, por edhe ku njerëz të të gjitha besimeve dhe etnive që punonin së bashku për të ndihmuar viktimat e bombardimeve të sotme. Disa i referoheshin historive të tyre personale dhe kolektive të humbjes gjatë punës së tyre.

Udhëheqësit ndërkombëtarë, përfshirë Papa Françeskun, e dënuan dhunën.

Prekem teksa shoh ngushëllimet që vijnë nga e gjithë bota. Në një situatë të tillë, le të mos ndahemi

[Kjo është një ngjarje në zhvillim e sipër. Ne do ta përditësojmë me informacionet e fundit.]

Nis komentet

Autorë, ju lutem hyr »

Rregullat

  • Të gjitha komentet lexohen nga moderatori. Mos dërgo të njëjtin koment më shumë se një herë pasi mund të konsiderohet spam.
  • Respekto të tjerët. Komentet me gjuhë urrejtjeje, të pahijshme dhe sulme personale nuk do të miratohen.