Po shkruaj për hir të historisë, që të mund të lexojnë fëmijët e mi, fëmijët e motrave dhe vëllezërve të mi dhe gjeneratat e ardhshme
Po shkruaj për hir të historisë, që ti mësojmë fëmijët tanë për revolucionin e vitit 2011
Po shkruaj për hir të historisë, që të lexohet nga nëna e çdo martiri që u sakrifikua për kombin
Po shkruaj për hir të historisë, që bota ta dijë sa egjiptianë ishin heronj
Po shkruaj për hir të historisë, që njerëzit të shohin se Zoti bën e vërteta çdoherë të fitojë në fund
Po shkruaj për hir të historisë, që njerëzit të dinë si u mashtruan nga mediat
Po shkruaj për hir të historisë, që të mbahet mend lindja e një shteti që ka qenë dhe çdoherë do të jetë lider i kombeve dhe nëna e shteteve të Lindjes
Po shkruaj për hir të historisë, që të mbahet mend historia e lindjes së Egjiptit të lirë
Po shkruaj për hir të historisë, që ti mësojmë fëmijëve tanë se sa shumë u sakrifikuan prindërit e tyre për ta
Po shkruaj për hir të historisë, që të bëhet E martja [25 Janar]  festë për të përkujtuar martirët e revolucionit të 2011-tës
Po shkruaj për hir të historisë, që ta mbajmë mend Khaled Saeed, dhe të gjithë ata para dhe pas tij që kanë qenë viktima të torturës dhe martirë të revolucionit
Po shkruaj për hir të historisë, që ta mbajmë mend Bouazizi, shpërthimin e Revolucionit tunizian, që ishte pika e parë e shiut dhe fillimi i shpresës

Egjiptianët u bashkuan për herë të parë – Islamistë, Selefistë, Vllazëri muslimane, Krishterët e majtë dhe muslimanë

Të rinjtë dhe të vjetrit

Të pasur dhe të varfër
Të diplomuarit në univerzitetet Amerikane dhe Gjermane dhe të pashkolluarit
Banorët e lagjeve të pasura dhe të barakave të mjera
Të bashkuar nga padrejtësia, tirania, korrupcioni dhe tortura

Europianët të bashkuar pavarsisht nga besimet dhe gjuhët e tyre
Pse egjiptianët të mos jenë të bashkuar kur kanë lindur nga një mitër dhe janë krijuar nga një material
Një material që është bërë nga eksperienca e korrupcionit, padrejtësisë, tiranisë dhe korrupcionit edhe më të madh
Dhe ata që përkrahin Mubarak-un pas fjalimit të tij të fundit:
A keni harruar çka ka humbur Egjipti në 30 vitet e fundit?
A i keni harruar viktimat e feribotit dhe të zjarrit në teatër?
A e keni harruar Khaled Saeed-in, dhe viktimat e torturës para tij?
A e keni harruar monopolin e Ahmed Ezz, ku secili thotë se ka qenë prijësi i  Alaa dhe Gamal Mubarak që tani e kanë hedhur si kurban, dhe pastaj kanë ikur në Londër duke na e lënë neve babain e tyre?
A i keni harruar pasojat e Kanalit të Suezit?
A e keni harruar të gjithë këtë vetëm se ai tha, “E kalova tërë jetën time në shërbim të vendit tim”?
A e keni harruar fjalimin e tij kur u bë president në vitin 1981, kur premtoi se nuk do të kalojë më shumë se dy mandate si president- dhe kaloi pesë?
Ai tha se një qefin nuk ka xhepa- por është qartë se qefini i tij dhe ato të bijve dhe të miqve të tij kanë shumë xhepa

Rehab konkludon:

Zoti i dha shumë atij, por paramendoni ky e ka shpërfillur , dhe i ka dërguar shumë paralajmërime, duke përfshirë edhe vdekjen e nipit të tij, të cilin Zoti e ka kursyer të mos e trashëgojë një trashigimi kaq të pandershme
Ai i dërgoi atij revolucionin tunizian dhe  fluturimin e Ben Ali, por Mubarak nuk mori parasysh paralajmërimin
Ai nuk u largua nga kokëfortësia e tij e zakonshme ushtarake
Në fund, ju përkujtoj të gjithë juve që e doni Egjiptin, edhe nëse nuk dakordoheni me mua, lutuni sot për Egjiptin, që të fitojë e vërteta dhe që të shkatërrohen tiranët